Rean Ruos Podcast
សូមស្វាគមន៍មកកាន់ Rean Ruos Podcast (រៀនរស់ផតខាស់) ដែលផ្តោតទៅលើការអប់រំជីវិត។ ដើម្បីជួយអ្នកបិទគម្លាតរវាងសាលានិងជីវិតជាក់ស្តែង ពុទ្ធិនឹងចែករំលែកទាក់ទងពីចំណេះដឹងចាំបាច់ ដែលសាលាជាច្រើនភ្លេចបង្រៀន ដូចជាភាពរីករាយ ភាពរឹងមាំ ភាពអត់ធ្មត់ ភាពច្នៃប្រឌិត ផលិតភាព...។ល។ តស់ចូលរួមស្តាប់ទាំងអស់គ្នា ដើម្បីស្វែងយល់ពីមធ្យោបាយនិងវិធីសាស្រ្តសម្រាប់ដឹកនាំជីវិតមួយដែលពោរពេញទៅដោយការរីកចម្រើន ហើយដរាបណានៅរស់រៀន រៀនរស់។ ------------------------- ពុទ្ធិ ជាគ្រូបង្វឹក អ្នកនិពន្ធ និងវាគ្មិនទាក់ទងពីការអប់រំផ្នែកជីវិត។ ទៅតាម ”រៀនរស់ផតខាស់” (Rean Ruos Podcast) ដែលជាផតខាស់ជាប់លេខ ១ ក្នុងផ្នែកអប់រំនៅកម្ពុជា គាត់បានជួយមិត្តអ្នកស្តាប់រាប់ម៉ឺននាក់ក្នុងការសម្រួលភាពលំបាកក្នុងជីវិត ទៅតាមការអភិវឌ្ឍន៍ខ្លួន។ ------------------------- 💬 ការចែករំលែកពីមិត្តអ្នកស្តាប់៖ - ”ខ្ញុំបានផ្លាស់ប្តូរខ្លួនឯង 90ដឺក្រេ ទាំងរបៀបគិត និងរបៀបមេីលមកខ្លួនឯង។” - ”នៅពេលនោះខ្ញុំក៏សាកល្បងអនុវត្តតាមដោយផ្តាច់ចោលនូវគ្រឿងស្រវឹងទាំងអស់ ដោយហេតុខ្ញុំពិតជាចង់មានការគិតដែលស៊ីជម្រៅ និងស្រាយចម្ងល់ខ្លួនឯងថា តើស្រាពិតជាជះផល់លំបាកដល់ខ្ញុំកម្រិតណា។ គិតមកត្រឹមថ្ងៃនេះគឺមានរយៈពេល៦ខែហើយ ដែលផ្តាច់មិនផឹកស្រា។ រឿងនេះបានធ្វើឲ្យខ្ញុំផ្លាស់ប្តូរច្រើនណាស់ ដែលសំខាន់ជាងគេគឺចិត្តរបស់ខ្ញុំមានសភាពស្ងប់ជាងមុន ឯទម្លាប់រៀននិងអភិវឌ្ឍន៍ខ្លួនដែលកន្លងមកខ្ញុំតែងតែបរាជ័យក្នុងការបង្កើត នៅពេលនេះខ្ញុំក៏អាចធ្វើវាបាន។ ខ្ញុំកាន់តែស្រឡាញ់ខ្លួនឯង និងមនុស្សនៅជុំវិញខ្លួន ខ្ញុំអភ័យទោសអោយអ្នកដទៃច្រើន។ ទាំងនេះក៏ដោយសារបានស្តាប់គំនិតល្អៗដែលបងបានចែលរំលែកឲ្យ។ ខ្ញុំពិតជាអរគុណបងយ៉ាងខ្លាំង បងគឺជាគ្រូម្នាក់របស់ខ្ញុំដែលបង្ហាញខ្ញុំពីរបៀបរស់នៅថ្មីមួយដែលរីកចម្រើនទៅមុខ និងមានភាពស្ងប់ស្ងាត់។” - ”ខ្ញុំចាប់ផ្ដើមចាប់អារម្មណ៌អានសៀវភៅជាច្រើន ... ហើយខ្ញុំក៏បានធ្វើ និងបន្តធ្វើរឿងមួយចំនួនសំរាប់ខ្លួនខ្ញុំនិងសហគមន៍ខ្ញុំផងដែរ។” - ”អរគុណណាស់ ពុទ្ធិ សម្រាប់ការបំផុសគំនិតទាំងនេះ។ ទាំងនោះពិតជាជួយខ្ញុំក្នុងការផ្លាស់ប្តូរផ្ត់គំនិតក្នុងជីវិត ហើយជំរុញខ្ញុំឱ្យមានភាពក្លាហានក្នុងការប្រើប្រាស់ទេពកោសល្យខ្លួនមកសរសេរសៀវភៅដែលខ្ញុំចង់សរសេរយូរហើយ។” - ”ផតខាស់នេះធ្វើឱ្យខ្ញុំអាចយកពេលមកគិតទៅលើព័ត៌មានផ្សេងៗដែលទទួលបានពីការរៀនឬក៏ការអានសៀវភៅ ហើយកាត់បន្ថយការប្រើប្រាស់ទូរស័ព្ទជាងមុន ព្រោះអីឱ្យតែពេលមានអារម្មណ៍ថាធុញតែងតែទាញទូរស័ព្ទមកលេងដើម្បីបំបាត់ភាពអផ្សុក ហើយមួយទៀតខ្ញុំមានភាពច្នៃប្រឌិតជាងមុន រកឃើញនូវគំនិតថ្មីៗផងដែរ។” - ”រាល់ពេលដែលខ្ញុំបាត់បង់ភាពជាខ្លួនឯង មិនដឹងត្រូវធ្វើអ្វីតទៅទៀត ខ្ញុំតែងតែនឹកឃើញសម្តីបងពុទ្ធិមុនគេគឺ ’បន្តដើរទៅមុខម្តងបន្តិចៗ បញ្ចេញនូវភាពខ្លាំងរបស់ខ្លួន ជាជាងទុកវាចោល’។” - ”បងពុទ្ធិបានជួយខ្ញុំពីភាពអាប់អួរក្នុងជីវិត។ ផតខាស់នេះជាផតខាស់តែមួយគត់ដែលខ្ញុំស្តាប់ និងស្តាប់ឡើងវិញម្តងហើយម្តងទៀត។” - ”ខ្ញុំរៀនបានច្រើនពីផតខាស់នេះ។ ខ្ញុំចាប់ផ្តើមអានសៀវភៅ គិតវិជ្ជមាន និងឈប់ខ្វល់ខ្វាយលើអ្វីដែលមិនចាំបាច់ ហើយក៏ផ្លាស់ប្តូរទម្លាប់របស់ខ្ញុំផងដែរ។”
Episodes
ក្នុងវគ្គនេះ ខ្ញុំចង់និយាយពីទំនាក់ទំនងរវាងការសិក្សា និងការគិតយើងទៅលើបញ្ញារបស់ខ្លួន។ ខ្ញុំកត់សម្គាល់ឃើញថា ផ្នត់គំនិតយើងជាច្រើនទៅលើខួរក្បាល និងបញ្ញាខ្លួន បានកើតចេញពីការអប់រំ នៅពេលធំធាត់ ដែលនៅតែដកជាប់ក្នុងចិត្តយើង មកដល់ពេលនេះ។
មនុស្សខ្លះរៀនមិនចេះ មិនថាខំយ៉ាងណា មិនមែនដោយសារខួរក្បាលគាត់មិនល្អនោះទេ ប៉ុន្តែដោយសារតែបុគ្គលិកលក្ខណៈនៃការរៀនរបស់យើង អាចនឹងខុសពីរបៀបបង្រៀនទូទៅ។ ដោយខុសគេ យើងក៏អាចគិតថាខ្លួនមិនប្រក្រតីផងដែរ។ ទោះជាមិនល្ងង់ ក៏ចាប់ផ្តើ...
តើអ្នកធ្លាប់មានអារម្មណ៍ទទេដែរឬទេ? អាចថា មកពីហេតុអ្វីដែរ?
ខ្ញុំក៏ធ្លាប់មានអារម្មណ៍បែបនេះដែរ។ ពេលខ្លះ មិនថាបានសម្រេចរឿងច្រើនយ៉ាងណា ក៏នៅតែមានអារម្មណ៍ថាគ្មានន័យ។ សម្រាប់គោលដៅ សម្រាប់ពេលខាងមុខ ក៏មើលមកដូចគ្មានន័យដូចគ្នា។ ដោយដូច្នេះ ក៏គ្មានកម្លាំងនឹងធ្វើអ្វីទាំងអស់។
អារម្មណ៍បែបនេះ មិនល្អទេ។ ប៉ុន្តែ ដោយសារតែវា ខ្ញុំក៏អាចយល់ពីខ្លួនឯង។ អារម្មណ៍ទទេនេះប្រៀបបានដូចជាសំឡេងខ្សឹបមួយចេញពីក្នុងខ្លួន ដែលប្រាប់យើងពីខ្លួនឯង។ ដោយស្តាប់វា ខ្ញុំក៏យល់កាន់តែ...
ត្រូវស្គាល់ខ្លួនឯង ប៉ុន្តែស្គាល់ដោយរបៀបណាទៅ?
រឿង ២ ដ៏ពិបាកក្នុងជីវិត៖ ការស្គាល់ខ្លួនឯង និងការរស់ជាខ្លួនឯង។ ចំណេះដឹងពីខ្លួនឯងគឺពិតជាសំខាន់ ប៉ុន្តែក៏ជារឿងមួយ ដែលយើងមិនសូវទទួលបានការណែនាំត្រឹមត្រូវ។ ក្នុងវគ្គនេះ ខ្ញុំនឹងចែករំលែកពីដំណើរនៃការឈ្វេងយល់ពីខ្លួនឯង ដែលជាដំណើរដែលយើងម្នាក់ៗ ត្រូវឆ្លងកាត់ដោយខ្លួនឯង។
តស់ ចូលរួមស្តាប់ទាំងអស់គ្នា ដើម្បីឈ្វេងយល់ពីវិធីសិក្សាពីខ្លួនឯង។
__________________________
ជីវិតមួយដែលគ្មានស្ត្រេសសោះ អាចទៅរួចដែរឬទេ? ទៅតាមធម្មជាតិនៃជីវិត បែបមិនអាចទេ។ ប៉ុន្តែ ទោះជាបែបនោះមែន មិនមានន័យថា យើងគ្មានជម្រើសឡើយ។
ស្ត្រេស តែងតែមាន។ ប៉ុន្តែ ដែលធ្វើការជ្រើសរើសដែរឬទេថា ស្ត្រេសណាយើងចង់មាន និងស្រ្តេសណាទៀតយើងមិនចង់មាន? គួរណាតែគិត ព្រោះចុងក្រោយ នៅតែស្រ្តេសដូចតែគ្នា។ សំខាន់នោះ តើរសជាតិស្ត្រេសណាទៅ ដែលអ្នកចូលចិត្ត?
តស់ ចូលរួមស្តាប់ទាំងអស់គ្នា ដើម្បីយល់កាន់តែទូលំទូលាយ ទាក់ទងពីការគ្រប់គ្រងស្ត្រេស។
__________________________
បើចិត្តអ្នកជាបន្ទប់មួយនោះ តើបន្ទប់នោះមានសភាពបែបណាដែរ? តើណែន ឬទូលាយ? រៀបរយ ឬក៏រញ៉េរញ៉ៃ? គួរណាមើលឱ្យច្បាស់ពីសភាពជាក់ស្តែង ព្រោះទៅណាមកណា យើងតែងយកបន្ទប់នេះមកតាមជានិច្ច។
ជាញឹកញាប់ យើងតែផ្ទុករឿងជាច្រើនក្នុងចិត្ត ហើយដោយដូច្នេះហេតុអ្វីមិនណែន តានតឹង និងគិតអ្វីមិនចេញ? ដោយរក្សារឿងច្រើនក្នុងចិត្ត ទាំងសំខាន់ និងមិនសំខាន់ ដូចនេះហើយបានជាយើងចេះតែគិតច្រើន។
ដើម្បីសម្អាតចិត្ត ចូរសរសេរការគិត និងអារម្មណ៍របស់ខ្លួនចេញមកក្រៅ។ នៅក្នុងស្នាដៃសៀវភៅទីពីររបស់ខ្...
ដំណឹងដ៏ល្អមួយដែលខ្ញុំចង់ចែករំលែក! ស្នាដៃសៀវភៅទី ២ របស់ខ្ញុំនឹងចេញឆាប់នេះនៅក្នុងចំណងជើង៖ ពីគិតច្រើន ទៅចម្រើនគំនិត។
ក្នុងមួយជីវិតនេះ គ្មានទំនាក់ទំនងណាសំខាន់ជាយើងជាមួយការគិតយើងនោះទេ។ ខួរក្បាលតែងតែគិត ប៉ុន្តែយើងធ្វើយ៉ាងណាជាមួយនឹងការគិតទាំងនោះ? នេះហើយជាទំនួលខុសត្រូវយ៉ាងចម្បងរបស់យើងម្នាក់ៗ ព្រោះមានតែយើងម្នាក់ទេ ដែលស្ពាយសតិផ្លូវចិត្តរបស់ខ្លួន។
ក្នុងសៀវភៅនេះ ខ្ញុំនឹងណែនាំពីរបៀបវិវត្តសមត្ថភាពការគិតត្រិះរិះខ្លួន ដោយប្រើប្រាស់ការសរសេរ។ ទៅតាមក...
បើនិយាយឱ្យត្រង់ ខ្ញុំមិនដែលមានបំណងក្លាយខ្លួនជាអ្នកនិពន្ធឡើយ ប៉ុន្តែពីមួយឆ្នាំទៅមួយឆ្នាំ បទពិសោធជីវិតបែរជាបង្វែរខ្លួនខ្ញុំឱ្យមកដល់ទីនេះទាំងមិនដឹងខ្លួន។ ដូចអ្នកនិពន្ធ Charles Bukowski ធ្លាប់ថា "អ្នកមិនជ្រើសរើសការនិពន្ធទេ ព្រោះការនិពន្ធទៅវិញទេដែលជាអ្នកជ្រើសរើសអ្នក"។
ការចាប់ផ្តើមសរសេរដំបូងរបស់ខ្ញុំគឺដើម្បីតែខ្លួនឯងម្នាក់គត់។ ខ្ញុំសរសេរមិនមែនសម្រាប់អ្នកអានទេ ប៉ុន្តែដើម្បីរំសាយចិត្ត និងឆ្លុះបញ្ចាំងពិការគិតប៉ុណ្ណោះ។ តាមដំណើរនៃការសរសេរដើម្...
ក្នុងការរស់នៅក្នុងសង្គម ការប្រាស្រ័យទាក់ទងគឺចៀសមិនរួចឡើយ។ ថ្វីត្បិតតែយើងធ្វើការទំនាក់ទនងជារៀងរាល់ថ្ងៃមែន វាក៏ជាសកម្មភាពមួយដែលយើងធ្វើមិនត្រឹមត្រូវផងដែរ។ យើងខ្លះចេះតែនិយាយ តែមិនចេះស្តាប់។ ខ្លះចេះស្តាប់ តែមិនចេះនិយាយ។ ហើយអាចខ្វះខាតទាំងពីផង។
ដើម្បីមានទំនាក់ទំនងស៊ីជម្រៅ យើងក៏ត្រូវការនិយាយស៊ីជម្រៅពីការគិតនិងអារម្មណ៍ដែលខ្លួនមាន និងការស្តាប់ស៊ីជម្រៅ ដូចនោះយើងអាចយល់ពីដៃគូយើងបានពេញលេញ។ ការយល់ជាគន្លិះនៃទំនាក់ទំនងដ៏ស្និតស្នាល។
ទាក់ទងពីការកសាង...
ដើម្បីរួចរាល់សម្រាប់ថ្ងៃពិបាក យើងត្រូវតែពង្រឹងខ្លួននៅថ្ងៃសុខ។ គ្មានទេភាពរឹងមាំ ប្រសិនបើយើងមិនប្រឈមមុខនឹងភាពពិបាក។ ដូចដែលខ្ញុំតែងថា គ្មានមនុស្សរឹងមាំម្នាក់ណា ដែលមិនមានមានប្រវត្តិពិបាកឡើយ។
ជាជាងរងចាំកាលៈទេសៈ ដោយរស់គ្រាន់តែសម្រាប់តែថ្ងៃ យើងក៏គួរណាត្រៀមខ្លួនសម្រាប់អនាគតដ៏ស្រពេចស្រពិលនាពេលខាងមុខដែរ។ សប្បាយខ្លះសម្រាប់ថ្ងៃនេះ ប៉ុន្តែក៏មានការហ្វឹកហាត់ខ្លះសម្រាប់ឱ្យថ្ងៃស្អែក។ បើដូចនេះបាននោះ យើងនឹងអាចបង្ហាញមុខ នៅថ្ងៃមួយថ្មី ជាមនុស្សម្នាក់ដែល...
ប៉ុន្មានថ្ងៃនេះគឺពិតជាតានតឹងសម្រាប់យើងទាំងអស់គ្នា។ វេលានេះមាននូវភាពទៀងទាត់ ដែលផ្តល់នូវអារម្មណ៍ភ័យខ្លាចមួយចំនួនយើង។ ធម្មជាតិជាមនុស្សម្នាក់ ការមានការភ័យខ្លាចគឺធម្មតា។ ប៉ុន្តែវាក៏អាចជាបញ្ហា នៅពេលដែលយើងខ្លាចទាំងមិនសមហេតុផល។
ក្នុងវគ្គនេះ ខ្ញុំចង់លើកឡើងពីវិធីដែលយើងអាចកែប្រែអារម្មណ៍ភ័យខ្លាចដែលយើងមានឱ្យទៅជាភាពក្លាហានវិញ ដូច្នេះយើងអាចមានម្ចាស់ការ និងការគ្រប់គ្រងមកលើជីវិតខ្លួនបាន ជាពិសេសក្នុងវេលាដ៏ទៀងទាត់ដូចនេះ។
តស់ ចូលរួមស្តាប់ទាំងអស់។ ជូនជ...
តាមធម្មតា យើងតែងតែចង់រកអ្វីមួយដែលថ្មី និងទាន់សម័យ។ ប៉ុន្តែអ្វីដែលទាន់សម័យតែងតែផ្លាស់ប្តូរជារៀងរហូត ហាក់ដូចជាខ្យល់បកមកលើខ្លួនយើង ដែលហើរផុត គ្មានជាប់នឹងខ្លួនយើងឡើយ។
ទាក់ទងនឹងការអភិវឌ្ឍន៍ខ្លួនឯងក៏ដូចគ្នាដែរ។ កាលណាយើងសិក្សាតែអ្វីដែលទាន់សម័យ យើងក៏ពិបាកនឹងមើលឃើញលើសពីសម័យដែលខ្លួនកំពុងតែរស់ផងដែរ។
ជាជាងទាន់សម័យ យើងគួរណាផ្តោតលើការសិក្សាទៅលើចំណេះដឹង ដែលរស់រានមានជីវិតច្រើនសម័យកាលមកហើយ។ គ្មានអ្វីបង្ហាញតម្លៃពិតនៃសៀវភៅមួយបានល្អជាងពេលវេលានោះទេ។ តា...
ចាស់តែអាយុ ប៉ុន្ទែចរិតវិញគ្មានចាស់ទុំអ្វីសោះ។ នេះគឺដោយសារតែអាយុនឹងកើតទៅតាមធម្មជាតិ ប៉ុន្តែចរិតវិញគឺទៅតាមជម្រើស។ ហើយដើម្បីឆ្លាស់សតិបាន វាត្រូវការលើសពីចំណេះដឹងទៅទៀត ប៉ុន្តែទាមទារនូវបទពិសធោត្រឹមត្រូវសម្រាប់ការលូតលាស់មួយនោះ។
ក្នុងវគ្គនេះ យើងនឹងបកស្រាយទាក់ទងពីដំណើរនៃការកែប្រែខ្លួនឯង ដើម្បីឱ្យបានសតិជាមនុស្សធំម្នាក់ ដែលមានទំនួលខុសត្រូវ ជាជាងជាមនុស្សមនុស្សម្នាក់ដែលឆាប់ខឹង ឬឆាប់ភ័យព្រួយទាំងមិនសមហេតុផល។
តស់ ចូលរួមស្តាប់ទាំងអស់គ្នា សម្រាប់ការ...
យើងដឹងហើយថាយើងចង់ធ្វើអ្វី ប៉ុន្តែណាស់ត្រង់តែចាប់ផ្តើមមិនចេញ។ ពន្យារពេលម្តងមួយថ្ងៃៗ ហើយតែមួយភ្លែត មួយឆ្នាំបាត់។ នៅតែមិនបានធ្វើអ្វីដែលខ្លួនចង់ធ្វើ។
វគ្គនេះ ខ្ញុំចង់ជួយអ្នកឈ្នះខ្លួនឯង ជាមួយនឹងវិធីសាស្រ្តក្នុងការទម្លុះការពន្យារពេល ដូច្នេះអ្នកមានម្ចាស់ការមកលើសកម្មភាព និងពេលវេលាខ្លួន សម្រាប់គោលដៅដែលសំខាន់ក្នុងជីវិត។
តស់ ចូលរួមស្តាប់ទាំងអស់ សម្រាប់ការជំនះលើការពន្យារពេល។
__________________________
វគ្គនេះរាង Personal តិច ដែលខ្ញុំចង់ចែករំលែកពីមូលហេតុដែលខ្ញុំបោះបង់ជីវិតនៅស្រុកក្រៅ បន្ទាប់ពីខិតខំយ៉ាងលំបាក ដើម្បិអាចបានចេញ គ្រាន់តែដើម្បីជ្រើសរើសមកវិញ។
ដោយបានមានប៉ុន្មានឆ្នាំរស់នៅស្រុកក្រៅប៉ុន្មានប្រទេស ខ្ញុំក៏យល់ពីតម្លៃពិសេសៗមួយចំនួននៃកម្ពុជា ដែលតាំងពីតូចមកខ្ញុំមិនដែលបានចាប់អារម្មណ៍ទៅលើ ហើយជាពិសេសក៏ឃើញនូវតម្លៃមួយដែលខ្លួនអាចផ្តល់ឱ្យសង្គមយើងផងដែរ។
តស់ ចូលរួមជាមួយខ្ញុំទាំងអស់គ្នា សម្រាប់ដំណើរដ៏វែងមួយ ពីការចេញក្រៅស្រុក និងការចង់វិលត្រ...
នៅកម្ពុជា យើងស្រលាញ់ណាស់ការរៀន ដែលយើងឧស្សាហ៍ប្រើពាក្យនេះ និងធ្វើសកម្មភាពនេះច្រើនមែនទែន។ បញ្ហាមួយនោះគឺត្រង់ថាយើងជាច្រើនគិតថាការរៀនគឺគ្រាន់តែជាការស្រូបព័ត៌មាន ប៉ុន្តែជាក់ស្តែង ដើម្បីកសាងសកម្មភាព សកម្មភាពនៃការរៀនគឺត្រូវតែលើសពីនេះទៅទៀត។ មិនមែនតែការស្រូបចំណេះទេ ប៉ុន្តែជាការប្រើចំណេះ។ ដល់តែដូច្នេះ បានយើងអាចលូតលាស់ទៅមុខសម្រាប់ជីវិត។
តស់ ចូលរួមជាមួយនឹងខ្ញុំក្នុងវគ្គនេះ សម្រាប់ការលូតលាស់ត្រឹមត្រូវសម្រាប់ជីវិត។
__________________________
ធ្វើយ៉ាងណាទើបដឹងថាខ្លួនស្រលាញ់អ្វី? នេះជាសំណួរមួយដែលខ្ញុំលឺហើយលឺទៀតជាច្រើនដង។ សម្រាប់ខ្ញុំ ការស្រលាញ់កើតចេញពីចម្ងល់។ អាចថា ចម្ងល់នេះហើយជាត្រីវិស័យទៅកាន់អ្វីដែលខ្លួនស្រលាញ់។
បើយើងសង្គេតមើលទៅលើកុមារាកុមារី យើងនឹងឃើញដូច្នេះដែរ។ គាត់រៀនចាប់ឆាប់បាន និងជាពិសេសមានពោរពេញដោយភាពរីករាយគឺដោយសារតែចម្ងល់នេះហើយ។ សម្រាប់យើងជាច្រើនណាស់ត្រង់តែកាន់តែធំ ចម្ងល់ក៏កាន់តែសាបទៅៗ។ ដូច្នេះដើម្បីយល់ពីជម្រៅនៃខ្លួនឯង គួរណាតែចំណាយពេលជាមួយនឹងចម្ងល់របស់ខ្លួន។
តស់ ...
យើងតែងតែស្ថិតនៅពេលនេះ ប៉ុន្តែចិត្តសតិយើងវិញស្ថិតនៅពេលនេះ និងទីនេះដែរឬទេ? ធម្មជាតិនៃចិត្តគឺតែងតែរេទៅរឿងចាស់នៅពេលអតីតកាល ឬក៏រឿងអនាគតដែលមិនទាន់កើតឡើង។ បើមិនដូច្នោះ យើងបែរជារវល់ជាមួយនឹងរឿងរ៉ាវដែលមិននៅក្បែរខ្លួន ទៅតាមទូរស័ព្ទដៃទៅវិញ។ តើធ្វើយ៉ាងណាទៅ ដើម្បីធ្វើឱ្យសតិយើងមានលំនឹងសម្រាប់ពេលបច្ចុប្បន្ន?
តាមបទពិសោធផ្ទាល់ ថ្មីៗនេះខ្ញុំទើបតែបានចូលរួមកម្មវិធី Retreat មួយជាមួយនឹងមជ្ឈមណ្ឌល Hari Hara នៅខេត្តសៀមរាប ដែលជាដំណើរដ៏ជ្រាលជ្រៅ ដែលអាចជួយឱ្យខ...
Popular Podcasts
If you've ever wanted to know about champagne, satanism, the Stonewall Uprising, chaos theory, LSD, El Nino, true crime and Rosa Parks, then look no further. Josh and Chuck have you covered.
For more than 30 years The River Cafe in London, has been the home-from-home of artists, architects, designers, actors, collectors, writers, activists, and politicians. Michael Caine, Glenn Close, JJ Abrams, Steve McQueen, Victoria and David Beckham, and Lily Allen, are just some of the people who love to call The River Cafe home. On River Cafe Table 4, Rogers sits down with her customers—who have become friends—to talk about food memories. Table 4 explores how food impacts every aspect of our lives. “Foods is politics, food is cultural, food is how you express love, food is about your heritage, it defines who you and who you want to be,” says Rogers. Each week, Rogers invites her guest to reminisce about family suppers and first dates, what they cook, how they eat when performing, the restaurants they choose, and what food they seek when they need comfort. And to punctuate each episode of Table 4, guests such as Ralph Fiennes, Emily Blunt, and Alfonso Cuarón, read their favourite recipe from one of the best-selling River Cafe cookbooks. Table 4 itself, is situated near The River Cafe’s open kitchen, close to the bright pink wood-fired oven and next to the glossy yellow pass, where Ruthie oversees the restaurant. You are invited to take a seat at this intimate table and join the conversation. For more information, recipes, and ingredients, go to https://shoptherivercafe.co.uk/ Web: https://rivercafe.co.uk/ Instagram: www.instagram.com/therivercafelondon/ Facebook: https://en-gb.facebook.com/therivercafelondon/ For more podcasts from iHeartRadio, visit the iheartradio app, apple podcasts, or wherever you listen to your favorite shows. Learn more about your ad-choices at https://www.iheartpodcastnetwork.com
Current and classic episodes, featuring compelling true-crime mysteries, powerful documentaries and in-depth investigations. Follow now to get the latest episodes of Dateline NBC completely free, or subscribe to Dateline Premium for ad-free listening and exclusive bonus content: DatelinePremium.com
Listen to 'The Bobby Bones Show' by downloading the daily full replay.
The World's Most Dangerous Morning Show, The Breakfast Club, With DJ Envy, Jess Hilarious, And Charlamagne Tha God!