Búbblur & Bjór

Það er fullur árabátur í dag og ekkert víst að hann sökkvi djúpt! Birkir, Daði, Davíð og Þröstur ræða um stríð sem hafa orðið eins og fyrsta og önnur heimsstyrjöldin, og hvort að þriðja heimsstyrjöldin sé handan við hornið. Einnig tala þeir 30 ára stríðið, krossferðina og eina stríð Íslendinga, þorskastríðið sem Birkir vill meina að hafi bara verið klessó leikur á skipum!

Birkir, Davíð og Þröstur skemmta sér konunglega að rifja upp leikföng sem þeir léku sér með þegar þeir voru litlir og fleiri vinsæl leikföng í gegnum tíðina, Birkir kemur svo með svakalega sögu í lokin þegar einhverjir ónefndir en verða kannski nefndir aðilar rændu Rússa…

Birkir, Davíð og Þröstur ræða um bestu og verstu tölvuleiki sem þeir hafa spilað í gegnum tíðina, það spannar allt í allt sirka 131 ár samanlagt, djöfull eru þeir gamlir! Þeir tala til dæmis um fornaldarleikinn Duck Hunt sem kom út á síðustu öld þegar þeir voru ungir, Super Mario Bros, Call of Duty, Rocket League og dónalega Larry leikinn...

Birkir og Davíð fá Þröst í heimsókn og þeir ræða um bestu og verstu hryllingsmyndirnar í gegnum tíðina. Er Jaws hryllingsmynd eða ekki? Er Scream besta 90´s hryllingsmyndin? Er Freddy Krueger besti vondi kallinn? Vonandi hafiði jafn gaman af þessum þætti og við, góða skemmtun!

Það er fullur bátur í dag, 4 pungar á svæðinu samankomnir til þess að rífast aðeins um íslenska tónlist, smá safi kominn í alla og menn missammála. Hvaða lag er lélegast, hvaða hljómsveitir eru ömurlegar, hverjir hata Stuðmenn og Björk og hverjir ekki? Það er smá hiti í mönnum í þessum þætti!

Birkir og Davíð fengu Þröst í heimsókn og ræddu um heilsu og hvað dadbod er. Svo tala þeir um Ripley´s Believe It Or Not sem er tengt allsskonar þvælu!

Birkir og Davíð fengu Þröst í heimsókn og í þættinum fara strákarnir yfir Harry Potter myndirnar og öllu því tengdu. ADHD Birkir kemur sterkur inn í þennan þátt. Góða skemmtun!

Þið fáið allar skytturnar fjórar í þættinum í dag, hálfgert ölæði í gangi þar sem við sláum í dagdrykkju og ræðum ýmsar pælingar eins og Zombie Apocalypse, íslensku sveitaböllin, tímaflakk, bláu og rauðu pilluna og margt fleira! Við förum að sjálfsögðu líka yfir lista á mest seldu bjórunum!

Birkir og Davíð tala um skemmtileg óhöpp sem breyttu heiminum, eins og þegar kampavín var óvart fundið upp og auðvitað hið sískemmtilega Viagra. Endilega hlustið og njótið

Birkir og Davíð fá sér slatta í glas og velta steinum á ýmsum pælingum, Birkir endar svo þáttinn á því að lesa “barna”bókina sína.

Þetta er geggjaður þáttur, góða skemmtun!

Gleðilegt sumar!!!!

Birkir og Davíð byrja á smá spjalli hvað gerðist um páskana. Katie Perry fór út í geim, þeir hafa skoðun á því. Svo eru það sturlaðar staðreyndir og sumar eru sko gjörsamlega sturlaðar!

Gleðilega páska, samt ekki páskaþáttur!

Birkir og Davíð byrja þáttinn á ritskoðun varðandi það hvað má segja og hvað má ekki segja. Svo fara þeir út í hvaða þættir eru bestir sem eru í gangi akkurat núna og það sem þeir eru að horfa á og þeir skoða einnig kvikmyndir sem þeim hlakkar til að sjá.

Birkir og Davíð byrja á lélegu apríl gabbi. Birkir talar svo um umdeilt 1 apríl gabb þegar hann var í skóla…. já hann fór í skóla.

Svo ræða strákarnir um apríl göbb um víðan heiminn. Þeir hringja svo í Daða til að fíflast í honum.

Góða skemmtun, verið góð við hvert annað

Hot Ones! Nei, við erum ekki að segja að við séum hot, þó við vissulega höldum því fram þegar enginn heyrir í okkur. Þessi þáttur er geggjaður! Birkir og Davíð prófa nokkrar Hot Sauce (úr hinu fræga Hot Ones) og fara ofar og ofar í styrkleika, Daði hlær að þessu og lengir sársaukann með tilgangslausri spurningarkeppni, vídeóþáttur á Spotify einfaldlega vegna þess að þið verðið að sjá þá þjást meira og meira!

Við byrjum á léttum nótum með frétt um píramídana Í Giza og förum svo út í gráa fiðringinn út af því að við erum miðaldra.

Davíð spurði AI hvað við ættum að tala um og hann fékk fimm spurningar sem við reyndum að svara misvel. Endum svo á hilarious nöfnum sem myndast þegar fólk giftir sig í Bandaríkjunum!

Við byrjum á hefðbundnu bulli en förum svo yfir það hver er geitin í ýmsum brönsum, fótbolta, körfubolta, tónlist, kvikmyndir og svoleiðis. Svo förum við í skemmtilegan leik í lokin, óhætt að segja að hann er nokkuð frumlegur!